16/07/2013 08:32:10

Genci Çarçani sot në Gjykatë për t'u njohur me masën e sigurisë

Burri 48 vjeçar mund të dënohet jo më pak se 20 vjet, ose burgim të përjetshëm

TIRANE - Burri që vrau gruan e tij para dy ditësh, 48 vjeçari Genci Çarçani, del sot para trupit gjykues në Gjykatën e Krimeve të Rënda, për t'u njohur me masën e sigurisë. Sipas Prokurorisë së Krimeve të Rënda, ndaj Çarçanit është ngritur akuza, neni 79/c, e "vrasjes për shkak të marrëdhënieve familjare". Ai mund të dënohet me burgim jo më pak se 20 vite, ose me burgim të përjetshëm. Çarçani (48 vjeç) i mori jetën ish gruas së tij, me të cilën kishte lidhur kurorë që prej vitit 1998 dhe ishte divorcuar dy vite më parë, duke e goditur katër herë me thikë. Ngjarja ndodhi në rrugën "Tefta Tashko Koço", teksa viktima Valbona Çarçani po kthehej në shtëpinë që kishte me qira. Genci Çarçani u tha hetuesve se "gruaja ma ka nxirë jetën ndaj e vrava", raportojnë mediat.

HermesNews - ©2013

Dërgo me email | Stampo artikullin