15/07/2013 10:15:01

Korea e jugut kufizon Smartphone për punonjësit e Ministrisë

Aplikacioni ''Mobile Management Device'' u instalua sot në telefonat celularë të 1.500 punonjësve të ministrisë

SEUL - Ministria koreanojugore e Mbrojtjes vuri sot disa kufizime në përdorimin e smartphone të punonjësve të saj, me anë të instalimit të një aplikacioni që ndalon dërgesën e informacioneve të ndjeshme. Aplikacioni "Mobile Management Device" u instalua sot në telefonat celularë të 1.500 punonjësve të ministrisë. Sipas agjencisë së lajmeve "Yonhap", disa punonjës kishin refuzuar instalimin e këtik aplikacioni për arsye të mbrojtjes së të dhënave personale.

Zëdhënësja e Ministrisë koreanojugore të Mbrojtjes, Kim Min-Seok, shpjegoi se ky aplikacion synonte shmangien e dërgesës së informacioneve të rëndësishme dhe parandalonte piraterinë. "Punonjësit mund të kryejnë dhe të marrin telefonata ose SMS, por nuk mund të përdorin navigatorin ose kamerën e integruar", citoi agjencia e lajmeve "Yonhap".

Përdoruesit e telefonave Galaxy të markës Samsung, si dhe telefonët celularë të tipit Android, mund të kryejnë e të marrin telefonata apo SMS. Përkundrazi, përdoruesit e iPhone munden vetëm të marrin telefonata.

HermesNews - ©2013

Dërgo me email | Stampo artikullin