13/07/2013 18:51:56

Mekë: pelegrinazhi mund të shtyhet

Shkak i kërkesës së bërë nga Arabia Saudite është koronavirusi

RIAD - Arabia Saudite u rekomandoi sot personave të moshuar dhe me sëmundje kronike, të mos kryenin pelegrinazh në Mekë për shkak të epidemisë së koronavirusit që shkaktoi 38 të vdekur. Ministria arabe e Shëndetësisë publikoi një listë kushtesh për myslimanët që dëshirojnë të vizitojnë Mekën për pelegrinazh në tetorin e këtij viti, por edhe për pelegrinazhin e vogël "umra", që mund të kryhet në çdo moment. Ministria rekomandon shtyrjen e pelegrinazheve për personat e moshuar dhe ata që vuajnë nga sëmundjet kronike si diabeti, problemet respiratore dhe sëmundjet e zemrës dhe veshkave. "Personat me mungesë imuniteti, femrat shtatzënë dhe fëmijët përfshihen gjithashtu në këtë listë", citon komunikata e publikuar në faqen e internetit të ministrisë.

HermesNews - ©2013

Dërgo me email | Stampo artikullin