13/07/2013 18:47:51

Protestata në Tuniz kundër largimit të Presidentit egjiptian Morsi

Manifestuesit, u mblodhën në qendër të Tunisit, me flamurët tunizianë dhe egjiptianë në duar, si dhe me portretin e presidentit egjiptian të rrëzuar, Morsi

TUNIS - Mijëra tunizianë protestuan sot duke iu përgjigjur thirrjes së partisë islamike "Ennahda" në pushtet, për të manifestuar kundër rrëzimit nga ushtria të presidentit, Mohamed Morsi në Egjipt. Manifestuesit, u mblodhën në qendër të Tunisit, me flamurët tunizianë dhe egjiptianë në duar, si dhe me portretin e presidentit egjiptian të rrëzuar, Morsi. Ata hidhnin parrulla si "Poshtë pushteti ushtarak", "Jo forcës së ushtrisë, po legjitimitetit të votës", "Populli kërkon sërish Morsin". Disa prej tyre dënuan lëvizjen "Tamarrod", në qendër të manifestimeve në masë që shtynë ushtrinë të rrëzonte presidentin, Morsi, dhe lëshuan thirrje kundër ushtrisë egjiptiane dhe ministrit egjiptian të Mbrojtjes, gjeneralit, Abdel Fattah al-Sissi.

HermesNews - ©2013

Dërgo me email | Stampo artikullin