12/07/2013 16:59:36

Rusia firmos azilin politik. Premtim SHBA-së: nuk flet më kundër

I pamundur udhëtimi drejt vendeve të Amerikës së Jugut

(18:32) Rusia do t'i japë azilin politik ish-konsulentit amerikan të shërbimeve sekrete, Edward Snowden, deklaroi sot kryetari i Dumës, dhomës së ulët të parlamentit rus, Sergei Nariçkin. "Rusia do t'i japë Snowden-it një azil politik të përhershëm ose të përkohshëm", deklaroi Nariçkin në televizionin publik "Vesti 24", duke theksuar se Moska e konsideronte ish-konsulentin si mbrojtës të të drejtave të njeriut.


MOSKË - Ish-konsulenti i shërbimeve sekrete amerikane, Edward Snowden do të kërkojë azil politik në Rusi, deklaroi sot një prej pjesëmarrësve në takimin e tij me përfaqësuesit e mbrojtjes së të drejtave të njeriut në aeroportin e Moskës.

"Ai deklaroi se do të kërkonte azil politik në Rusi", citoi për agjencinë e lajmeve "Ria Novosti" një pjesëmarrës në këtë takim. Sipas këtij burimi, vendimi i Snowden ishte diktuar nga pamundësia për të udhëtuar drejt vendeve të Amerikës së Jugut, që i kanë ofruar tashmë azil.

Nderkohe, Snowden premtoi se nuk do të fliste më kundër SHBA nëse ai merrte azilin politik në Rusi, deklaroi sot njëri prej pjesëmarrësve në takimin me mbrojtësit e të drejtave të njeriut në aeroportin e Moskës.

HermesNews © 2013

Dërgo me email | Stampo artikullin