12/07/2013 11:48:11

PS, dosjet tona: Gërdeci, 21 Janari dhe Ndërtimi i rrugës Durrës-Kukës

''Partia Socialiste është e vendosur dhe do të nxisë rihapjen e dosjeve për të cilat ka qenë shumë aktive në opozitë me kritika për abuzime me këto çështje''

TIRANE - Partia Socialiste do të nxisë dhe kërkojë rihapjen e të gjitha dosjeve hetimore për të cilat në opozitë është investuar duke bërë akuza për mbylljen e çështjeve të ndryshme. Sekretari Organizativ I PS Blendi Klosi zgjodhi emisionin DEBATI NE CHANNEL ONE të gazetarit të njohur Roland Qafoku për të bërë publike këtë nismë. I ftuar përballë një paneli me analistët Agim Neza, Plator Nesturi dhe Artur Nura, Klosi pohoi që bëhet fjalë për dosjen e Gërdecit, abuzimet me ndërtimin e rrugës Durrës-Kukës-Morinë, ngjarjet e 21 Janarit 2011 dhe disa çështje të tjerë.

“Partia Socialiste është e vendosur dhe do të nxisë rihapjen e dosjeve për të cilat ka qenë shumë aktive në opozitë me kritika për abuzime me këto cështje”, tha Klosi I pyetur gjatë emisionit. Në fakt PS e ka patur një nga premtimet e saj gjatë fushatës rihapjen e disa dosjeve hetimore për të cilat ka shprehur pakënaqësi në hetimin dhe gjykimin e tyre. Vetë kryetari Edi Rama, kryetari i grupit parlamentar Gramos Ruçi, sekretari Klosi e shumë të tjerë kanë bërë deklarata shumë të forta pas vendimeve të gjykatës për këto çështje duke i shoqëruar akuzat me premtimin se kur të vinin në pushtet do të vendosnin drejtësinë në vend.

Nuk dihet se nëse PS do ta arrijë këtë pasi përvoja e këtyre 23 viteve ka bërë që pavarësisht premtimeve asnjë dosje e vjetër nuk është rihapur pasi në pushtet ka ardhur forca politike që i ka kontestuar vendimet. Ngjarja e 2 prillit e vitit 1991 në Shkodër, Skandali I Arsidit, vrasja e Azem Hajdarit dhe shumë të tjera num janë rihapur si çështyje kur PS dhe PD kanë ardhur në pushtet edhe psë kanë premtuar kur ishin në opoz\itë të kundërtën. Klosi bëri daljen e parë publike me mjekërr të rruar pas 1 mijë ditëve “protestë”. Për gaztetarin Qafoku ai kishte deklaruar në korrik të vitit 2010 se do ta hiqte mjekrrën deri sa të largohej Berisha duke mbajtur premtimin.

Channel One

Dërgo me email | Stampo artikullin