11/07/2013 12:31:57

Grekët këtë vit pa pushime. Kriza, 73 % në shtëpi

Anketa e fundit publikon rritje mbi 10% të rritje të numrit të qytetarëve, që nuk do të marrin pushimet këtë vit

ATHINË - Sipas një studimi në nivel kombëtar të Institutit grek të Konsumatorëve, INKA, këtë vit 73 për qind e qytetarëve grekë nuk do të munden të shkojnë me pushime. Kjo shifër ishte 63 për qind në vitin 2012. Ndërkohë, atyre që do të shkojnë, do t'u duhet të reduktojnë ditët e qëndrimit. Sipas anketës, shkaku i këtij fenomeni në 70 për qind të rasteve është kriza ekonomike që po mundon Greqinë gjatë këtyre tre viteve të fundit. Një pjese të konsiderueshme prej 27 për qind që do të arrijë të shkojë me pushime, do t'i duhet të reduktojë ditët e qëndrimit. Për 40 për qind të tyre, pushimet do të zgjasin vetëm 4 ditë. Për motive ekonomike, rreth 80 për qind e grekëve do të priten nga miqtë ose të afërmit e tyre. Për sa i përket pushimeve jashtë vendit, sipas studimit ato do të reduktohen me 50 për qind.

HermesNews - ©2013

Dërgo me email | Stampo artikullin