10/07/2013 09:13:31

Të humbur në det: rojet shqiptare gjejnë turistët britanikë

Të huajt ishin zhdukur pa lënë gjurmë që prej orës 22:40 të ditës së djeshme

TIRANË - Ekuipazhi i anijes P-120 ka bërë të mundur gjetjen dhe shoqërimin në breg të dy turistëve me shtetësi britanike, të cilët rezultonin të humbur në det, prej orës 22:40 të ditës së djeshme. Pas marrjes së sinjalit nga Qendra Operacionale Detare e Pireut, për humbjen e kontaktit me tokën të një motobarke të nisur nga Kroacia me destinacion Korfuzin, Roja Bregdetare Shqiptare ka zhvilluar një operacion kërkimi prej mëse 4 orësh, në rajonin Palermo-Himarë. Dy turistët britanikë u lokalizuan dhe u gjetën në gjendje të mirë shëndetësore rreth 10 milje larg bregut.

HermesNews - © 2013

Dërgo me email | Stampo artikullin