08/07/2013 18:22:28

5.300 udhetare ne fundjave

Drejtoria e policisë rajonale të kufirit dhe migracionit, tha se nga e premtja deri ditën e dielë në portin detar janë ankoruar 11 tragete

DURRES - Tragetet e linjave detare kanë sjellë në Durrës gjatë fundjavës së kaluar mbi 5.300 udhëtarë me 1370 automjete, pjesa më e madhe e të cilëve mbërrijnë në vendin tonë për pushimet verore. Drejtoria e policisë rajonale të kufirit dhe migracionit, tha se nga e premtja deri ditën e dielë në portin detar janë ankoruar 11 tragete, që kanë mbërritur nga portet e Barit, Brindizit, Ankonës dhe Triestes (Itali). Që nga fillimi i muajit korrik numri i udhëtarëve me tragete është rritur, shtuan burimet e policisë kufitare, sipas te cilave, gjatë kësaj fundjave tragetet kanë sjellë në Durrës 2.556 shtetas shqiptarë dhe 2.757 shtetas të huaj. Sipas të njejtave burime, pjesa më e madhe e tyre janë qytetarë me punë dhe banim në vendet e Europës Perëndimore, të cilët nga Durrësi vijojnë më pas udhëtimin me automjetet personale drejt të afërmve të tyre në qytete të ndryshme të Shqipërisë, Kosovës dhe Maqedonisë.

HermesNews - ©2013

Dërgo me email | Stampo artikullin