08/07/2013 17:09:39

Hungari, varroset ish Kryeministri

Mijëra persona morrën pjesë në varrimin e tij, ku ishin ftuar edhe personalitete të huaja, si presidenti i Parlamentit Europian, Martin Schulz, dhe ish-ministri gjerman i Punëve të Jashtme, Hans-Dietrich Genscher

BUDAPEST - Ish-kryeministri hungarez, Gyula Horn, një prej drejtuesve komunistë i njohur për kontributin e tij në rrëzimin e Perdes së Hekurt gjatë viteve 1980-1990, u varros sot në Budapest. Mijëra persona morrën pjesë në varrimin e tij, ku ishin ftuar edhe personalitete të huaja, si presidenti i Parlamentit Europian, Martin Schulz, dhe ish-ministri gjerman i Punëve të Jashtme, Hans-Dietrich Genscher. I pranishëm në ceremoni ishte edhe kryeministri hungarez, Viktor Orban, si dhe presidenti i republikës, Janos Ader. Gyula Horn vdiq më 19 qershor. "Pa praninë e Gyula Horn, ribashkimi i Gjermanisë me Evropën do të kishte qenë i paimagjinueshëm, ai bëri të mundur bashkimin e një kontinenti të ndarë në dy pjesë", deklaroi Martin Schulz.

HermesNews - ©2013

Dërgo me email | Stampo artikullin