08/07/2013 16:16:04

LSI ankimon rezultatin e Kukesit

Përfundon afati ligjor që i jep të drejtën subjekteve zgjedhore që të ankimojnë rezultatet e votimit të 23 qershorit

TIRANË - Lëvizja Socialiste për Integrim pritet të depozitojë sot në Komisionin Qendror të Zgjedhjeve kërkesën ankimore për rezultatin e zonës zgjedhore qarku Kukës. Përfaqësuesi ligjor i LSI-së, Ilirian Muho tha se ankimimi lidhet me rezultatin e votimit në disa qendra votimi të këtij qarku, për të cilat LSI pretendon se ka pasur parregullsi. Sot përfundon dhe afati ligjor që i jep të drejtën subjekteve zgjedhore që të ankimojnë rezultatet e votimit të 23 qershorit. Nga 4 mandatet e qarkut Kukës 3 shkuan për koalicionin e djathtë "Aleanca për Punësim, Mirëqenie dhe Integrim" dhe 1 mandat për koalicionin e majtë "Aleanca për Shqipërinë Europiane".

HermesNews - ©2013

Dërgo me email | Stampo artikullin