08/07/2013 09:00:53

Mbaron aventura në Malin e Jezercës: i plagosuri dërgohet në Tiranë

Kërkimet për gjetjen e turistit të plagosur nisën që mbrëmjen e kaluar, por u ndërprenë me ardhjen e natës dhe rinisën sot në mëngjes me helikopterë

BAJRAM CURRI - Është gjetur mëngjesin e sotëm turisti çek që kishte humbur i plagosur në njërën këmbë në malin e Jezercës. Kërkimet për gjetjen e turistit të plagosur nisën që mbrëmjen e kaluar, por u ndërprenë me ardhjen e natës dhe rinisën sot në mëngjes me helikopterë, duke evidentuar vendin ku kishte kaluar natën. "Ngjarja e rëndë ndodhi mbasditen e së dielës kur turisti cek rrëshqiti nga një lartësi e malit duke thyer njërën nga këmbët. Megjithë përpjekjet për t’i ardhur në ndihmë menjëherë, mbrëmë nuk u arrit të saktësohej vendi ku kishte rënë, çka ndodhi sot në mëngjes përmes ndërhyrjes së heklikopterëve", pohojnë burime zyrtare të policisë lokale. Turisti po dërgohet drejt Tiranës për të marrë ndihmën e nevojshme shëndetësore, ndërsa nuk ka rrezik për jetën.

HermesNews - ©2013

Dërgo me email | Stampo artikullin