06/07/2013 16:07:42

BE kërkon të hetohet dhuna në Kajro

Nils Muiznieks: "të gjithë shembujt e përdorimit të tepruar të dhunës nga ana e forcave të rendit duhet të jenë në qendër të një hetimi gjithëpërfshirës''

ANKARA - Përdorimi i tepruar i dhunës nga forcat policore për shtypjen e protestave antiqeveritare në Turqi, duhet të vendoset në qendër të një hetimi efektiv, të pavarur e të paanshëm, deklaroi sot në Ankara Komisioneri i Këshillit të Europës për të Drejtat e Njeriut, Nils Muiznieks.

"Të gjithë shembujt e përdorimit të tepruar të dhunës nga ana e forcave të rendit duhet të jenë në qendër të një hetimi gjithëpërfshirës, i cili do të japë dënimet e duhura", nënvizoi ai.

"Mënyra e vetme për ngushtimin e hendekut mes perceptimit dhe lejimit të procesit të normalizimit të gjendjes në Turqi, është një hetim efektiv, i pavarur dhe i paanshëm mbi akuzat për dhunën policore", u shpreh ai, duke shtuar se vetëm tre policë ishin pezulluar nga Ministria turke e Rendit, ndërkohë që akuzat ndaj shkeljes së të drejtave civile janë të shumta.

Ai gjithashtu u kërkoi autoriteteve turke të mos ndërmerrnin asnjë veprim ndëshkues ndaj mjekëve, avokatëve, gazetarëve dhe studentëve që morën pjesë në protestat antiqeveritare.

Muiznieks, u takua me krerë të qeverisë turke dhe përfaqësues të shoqërisë civile, gjatë vizitës së tij në Turqi. Ai do t'i paraqesë në vjeshtë Këshillit Evropian një raport mbi çështjen.

HermesNews - ©2013

Dërgo me email | Stampo artikullin