05/07/2013 19:54:20

Ngacmonin seksualisht femra: arrestohen dhe pezullohen nga puna

Shërbimi i Kontrollit të Brendshëm pranë Ministrisë së Brendshme, ka nisur hetimet lidhur me këtë ngjarje të pahijshme që ka ndodhur me dy punonjësit e policisë

TIRANE - Policiët e veshur si civilë, janë ndaluar sot nga efektivat për shkak se në vendin e quajtur "9 katëshet" ata kanë ngacmuar femrat me veprime të pahijshme. Pas denoncimit që u është bërë, ata janë ndaluar dhe shoqëruar në një nga komisariatet e kryeqytetit. Gjatë ndalimit, ata kanë kundërshtuar dhe forcat e repartit “Shqiponja”. Pritet të merren masa e pezullimit nga puna. Identiteti i punonjësve të Policisë së Shtetit, ende nuk bëhet i ditur. Shërbimi i Kontrollit të Brendshëm pranë Ministrisë së Brendshme, ka nisur hetimet lidhur me këtë ngjarje të pahijshme që ka ndodhur me dy punonjësit e policisë.

HermesNews - ©2013

Dërgo me email | Stampo artikullin