05/07/2013 15:21:46

Një grua humb jetën duke rënë nga kati i nëntë

Një grua shqiptare gjendet e vdekur pasi ka rënë nga kati i nëntë

MONZA- Një grua shqiptare gjendet e vdekur pasi ka rënë nga kati i nëntë. Policia italiane duke mos pasur prova të mjaftueshme, ka liruar bashkëshortin Zef Lleshi, 30 vjec.

Në të vërtetë bashkëshorti i gruas që humbi jetën u gjet të dielën pasdite në katin e nëntë të apartamentit ku jetonin, me shenja në fytyrë, me rroba të çrregullta, të gërvishtura në fytyrë dhe në shpatulla, ndërkohë që mbi asfalt gjendej trupi i pa jetë i gruas.

Cifti ishte në konflikt prej kohësh, me zënka shpesh herë edhe të dhunshme, pasi gruaja e akuzonte të shoqin se kishte një grua tjetër në Shqipëri.
Të djelën nga ora 15 zënka përfundoi në një tragjedi. Burri telefonon karabinierët duke thënë se Silvana ishte vetëvrarë duke u hedhur nga kati i nëntë.

Ndërkohë shtëpia e tyre ndodhej në një kaos të vërtetë, mobilje të hedhura, perde të grisura, enë të thyera, shenja të cilat të bëjnë të mendosh për një përleshje të dhunshme.

Përsa i përket të gërvishturave në trup, burri shpjegoi se ja kishte bërë e shoqja ndërkohë që po mundohej ta ndalonte. Pastaj mohon duke thënë se ishte gërvishtur ndërkohë që po kalonte telën për të parë nëse e shoqja ishte ende gjallë.

Kundërshtime që sipas mbrojtësit te tij vinin nga gjendja e tronditur e burrit, por që mesa duket mjaftuan për të bindur policinë italiane që ta linin të lirë burrin.

Daniela Vathi

Dërgo me email | Stampo artikullin