04/07/2013 12:01:40

Kandidaturat, nesër mblidhet kryesia e PD-së

Gjatë kësaj jave kanë dorëzuar kërkesat e tyre për kandidim, Ministri aktual i Transporteve, Sokol Olldashi dhe Kryebashkiaku i Tiranës, Lulzim Basha

TIRANË - Partia Demokratike do të mbledhë rreth orës 13.00 të mesditës së sotme kryesinë e saj, ku do të shqyrtojë kandidaturat e dorëzuara deri më sot, si dhe do të përcaktojë datën dhe procedurat e votimit për zgjedhjen e kryetarit të ri të kësaj force politike. Kryetari i ri i PD-së do të zgjidhet sipas parimit një anëtar një vote.

Pak ditë më parë, Kryetari i dorëhequr i PD-së, Sali Berisha, deklaroi në rrjetin social Facebook, se ditën e enjte kryesia e PD do të vlerësojë kandidaturat e paraqitura, duke theksuar se çdo anëtar i PD-së është i lirë të hyjë si kandidat dhe të garojë për postin e kreut të PD, edhe pa mbështetjen e kryesisë.

"Unë dhashë dorëheqjen nga detyra e kryetarit të PD-së dhe nuk bëra asnjë rekomandim për person të veçantë për zëvëndësimin tim. Po kështu, me kryesinë e PD vendosëm që në zgjedhjen e kryetarit të ri, pushteti të kalojë tërësisht tek anëtarët e PD dhe vota e tyre, duke mos bërë asnjë rekomandim për asnjë person të veçantë, por dhe duke mos penguar asnjëri të marrë pjesë në këtë garë", është shprehur Berisha.

HermesNews - © 2013

Dërgo me email | Stampo artikullin