04/07/2013 09:14:02

Arrest ndaj Morsit: betohet Presidenti i ri

Adly Mansour, u betua sot si president i përkohshëm, menjëherë pas largimit nga pushteti të presidentit konservator islamik, Mohamed Morsi

(12:30) Kryetari i Këshillit Kushtetues egjiptian, Adly Mansour, u betua sot si president i përkohshëm, menjëherë pas largimit nga pushteti të presidentit konservator islamik, Mohamed Morsi pas një jave protestash popullore masive. "Do të angazhohem në ruajtjen e sistemit të republikës, në respektimin e kushtetutës dhe ligjit, si dhe në mbrojtjen e interesave të popullit", u shpreh Mansour, i caktuar nga ushtria për të zëvendësuar presidentin e larguar, gjatë një ceremonie të shkurtër në Këshillin Kushtetues të vendit.


(19:17) Komuniteti ndërkombëtar në reagimet e para të ngjarjeve në Egjipt ka shprehur shqetësim të madh për situatën e krijuar në Egjipt pas arrestimit të presidentit Morsi nga ushtria dhe bën thirrje për vendosjen e një qeverie të re civile. Morsi do të zëvendësohet nga kryetari i Gjykatës Kushtetuese egjiptiane.

Presidenti amerikan, Barack Obama kërkoi dje në mbrëmje vonë zgjedhjen e një qeverie të re civile në Egjipt dhe shtoi se ishte shumë i shqetësuar pas rrëzimit nga pushteti të presidentit Morsi nga ana e ushtrisë.

Barack Obama shtoi se u kishte kërkuar agjencive të ndryshme dhe departamenteve të studionin procedurat ligjore të situatës së re të krijuar pasi, sipas ligjit amerikan, nuk lejohet që vendi të ndihmojë shtete ku ka ndodhur një grusht shteti.

Sekretari i përgjithshëm i OKB-së, Ban Ki Moon deklaroi se ishte i shqetësuar nga interferenca ushtarake në Egjipt dhe shtoi se do të ishte tepër e rëndësishme krijimi i një qeverie civile sipas parimeve të demokracisë.

''Sekretari i përgjithshëm po ndjek nga afër dhe me shqetësim zhvillimet e shpejta në Egjipt dhe mbështet aspitatat e popullit egjiptian'', thuhet në komunikatën e rastit të Pallatit të Qelqtë.

''Tranzicioni në Egjipt ndodhet në një pikë delikate dhe Ban bën thirrje për qetësi, jo dhunë, dialog dhe moderim'', shtohet në të. ''Ndërhyrja ushtarake është me të vërtetë shqetësuese'', theksohet në komunikatë.

Ndërkohë, Bashkimi Evropian u bëri thirrje të gjitha palëve në Egjipt t'i kthehen procesit demokratik përmes zgjedhjeve të reja presidenciale. Mbreti i Arabisë Saudite, Abdallah, ka uruar kreun e Gjykatës Kushtetuese të Egjiptit, Adli Mansour, për zgjedhjen në postin e udhëheqësit të përkohshëm të Egjiptit.

Shtetet e Gjirit Persik, Katari dhe Emiratet e Bashkuara Arabe, kanë mirëpritur po ashtu lajmin për përmbysjen e Morsit. Presidenti i Sirisë, Bashar al-Assad, ka thënë se trazirat në Egjipt janë disfatë për islamizmin politik.

(19:16) Sekretari i përgjithshëm i OKB-së, Ban Ki Moon deklaroi se ishte i shqetësuar nga interferenca ushtarake në Egjipt dhe shtoi se do të ishte tepër e rëndësishme krijimi i një qeverie civile sipas parimeve të demokracisë. ''Sekretari i përgjithshëm po ndjek nga afër dhe me shqetësim zhvillimet e shpejta në Egjipt dhe mbështet aspitatat e popullit egjiptian'', thuhet në komunikatën e rastit të Pallatit të Qelqtë. ''Tranzicioni në Egjipt ndodhet në një pikë delikate dhe Ban bën thirrje për qetësi, jo dhunë, dialog dhe moderim'', shtohet në të. ''Ndërhyrja ushtarake është me të vërtetë shqetësuese'', theksohet në komunikatë.

(19:15) Presidenti amerikan, Barack Obama kërkoi dje në mbrëmje vonë zgjedhjen e një qeverie të re civile në Egjipt dhe shtoi se ishte shumë i shqetësuar pas rrëzimit nga pushteti të presidentit Morsi nga ana e ushtrisë.
Barack Obama shtoi se u kishte kërkuar agjencive të ndryshme dhe departamenteve të studionin procedurat ligjore të situatës së re të krijuar pasi, sipas ligjit amerikan, nuk lejohet që vendi të ndihmojë shtete ku ka ndodhur një grusht shteti.

KAJRO - Një zyrtar i lartë ushtarak konfirmoi para pak minutash se presidenti Morsi ishte arrestuar, ashtu siç kishte njoftuar edhe një zyrtar i ''Vëllazërisë Myslimane''. ''Morsi po mbahet nën arrest i mbrojtur'', tha zyrtari i cili kërkoi të mos identifikohej. ''Ndaj kryetarit të shtetit mund të ngrihet edhe një padi'', shtoi ai.

HermesNews - ©2013

Dërgo me email | Stampo artikullin