04/07/2013 08:03:35

Kredia prej pesë milionësh: burri vret gruan dhe veten

Efektivi i burgjeve Ali Verteniku i jep fund jetës dhe lë në mes katër rrugëve tre fëmijët

TIRANË - Efektivi i burgjeve Ali Verteniku vrau veten dhe gruan dje në orën 21:00. Ngjarja ndodhi në lagjen Kombinat. Krismat e armës u dëgjuan nga komshinjtë në katin e nëntë të pallatit ku çifti bashkëjetonte dhe kishte tre fëmijë.

64 vjeçari kishte marrë kredi në bankë prej 5 milion lekë dhe dyshohet se kjo mund të ketë shkaktuar depresion. Gruaja, Moza Nikolli u kishte thënë fqinjëve se burri i saj donte të vriste veten dhe se kohët e fundit grindjet ishin bërë të pashmangshme.

Ngjarja kishte ndodhur në grindje e sipër. Burri kishte nxjerrë jashtë tre fëmijët dhe kishte vrarë gruan, më pas veten me armën e shërbimit.

Moza Nikolli kishte dhe pesë fëmijë nga martesa e parë dhe tre nga bashkëjetesa e fundit. Ajo punonte kamariere në një lokal pranë lagjes ku banonte. Ngjarja e rëndë ka tronditur banorët, por mbi të gjitha jetimët që tani janë në mes të katër rrugëve.

HermesNews - ©2013

Dërgo me email | Stampo artikullin