03/07/2013 18:26:33

Morsi në arrest shtëpiak: skadon ultimatumi i ushtrisë

Grushti i shtetit: Morsi bën thirrje për rezistencë

(18:41) Disa njësi tankesh janë dislokuar gjatë orëve të fundit përpara kompleksit të ndërtesave të televizonit publik egjiptian, njoftoi rrjeti informativ Al Arabiya, që citonte burime të sigurisë vendase. Po i njëjti rrjet informativ theksonte se ''i gjithë personeli i televizonit kishte ndërprerë transmetimet e drejtpërdrejta dhe ishte evakuar nga ndërtesat''.


(18:40) Ministria e Brendshme egjiptiane ka paralajmëruar sot se ''do t'i përgjigjej vendosmërisht të gjitha akteve të dhunës'', në një komunikatë të publikuar rreth një orë para përfundimit të afatit të ultimatumit të bërë nga forcat e armatosura drejt presidentit, Mohamed Morsi, kundër të cilit ka protresta masive. Ndërkohë që aktet e dhunës, kryesisht gjatë protestave pro dhe kundër Morsit, kanë shkaktuar 47 të vdekur që prej një jave, ministria njoftonte se policia "do të mbronte" egjiptiane dhe do të kundërshtonte çdo akt dhune.


(18:35 Guvernatori i Gizës, që mbulon pjesën më të madhe të Kajros, dha sot pasdite dorëheqjen pas incidenteve të shumta të përgjakshme përpara Universitetit të Kajros, ku humbën jetën 18 persona, sapo njoftoi televizioni publik egjiptian.


(18:30) Ushtria ka vene ne arrest shtepiak presidentin egjiption, i cili nga ana e tij ben thirrje per rezistence.

KAJRO - Dhjetëra mijëra egjiptianë, që kundërshtojnë presidentin e vendit Mohamed Morsi, ndodhen aktualisht në sheshet e Kajros, në pritje të skadimit të ultimatumit të ushtarakëve, i parashikuar rreth orës 16:30-17:00. Ata janë në pritje të të ashtuquajturës ''ora zero'' në sheshin ''Tahrir'' dhe përpara dy pallateve presidenciale, ''Ittahadeya'' dhe ''Kobba''. Mijëra të tjerë, përkrahës të presidentit, ndodhen në xhaminë ''Rabaa el Adaweya''.

HermesNews - ©2013

Dërgo me email | Stampo artikullin