03/07/2013 17:20:05

Arrestohet skafisti shqipëtar i tragjedisë në vitin 2000

Arrestohet skafisti shqipëtar që ishte i përfshirë në tragjedinë e vitit 2000 ku humbën jetën mbi 15 vetë

BARI -12 vjet dhe 6 muaj burgim për skafistin shqiptar, 32 vjecar, që ishte i përfshirë në tragjedinë e vitit 2000 ku humbën jetën mbi 15 vetë. Në mbrëmjen e 4 majit 2000, ai ishte një nga pesë skafistët e gomones oqeanike plot me emigrantë që u kap nga policia italiane në afërsi të Otrantos.

Përkundër urdhërit për tu ndaluar, gomonja vazhdoi me një shpejtësi marramendëse me qëllim për të arritur në breg, duke kryer edhe manovra të rrezikshme kundër anijes së policisë. Për shkak të impaktit të fortë me bregun, ranë në det shumë emigrantë që ndodheshin në gomone. Shpëtuan vetëm 15 emigrantë shqiptarë, ndërsa të tjerët mbetën të vrarë dhe u gjetën ditë më pas në det nga policia italiane.

Daniela Vathi

Dërgo me email | Stampo artikullin