03/07/2013 16:44:57

Paris Hilton, çdo gjë e kam arritur vetë në jetë, jo falë mbiemrit

Paris Hilton nuk pranon që të thuhet se është një vajzë e përkëdhelur që ka gjetur cdo gjë gati në jetë

HermesNews- Paris Hilton nuk pranon që të thuhet se është një vajzë e përkëdhelur që ka gjetur cdo gjë gati në jetë. Por ajo nuk bën asgjë për të shmangur etiketime të tilla. Gjithsesi trashëgimtarja vazhdon të theksojë se cdo gjë që ka arritur në jetë e ka nga mundi dhe puna e saj dhe jo nga mbiemri.

Në një intervistë për Sunday Times, ajo e quan veten një femër sipërmarrëse në karrierë. Fundja ka rreth dyzet dyqane të saj të shpërndara nëpër botë dhe është gati të hedhë në treg parfumin e saj të gjashtëmbëdhjetë.

“Të gjithë mendojnë se , pasi quhem Hilton, gjithcka më është dhuruar në jetë dhe se unë jam një vajzë e përkëdhelur qe nuk ka punuar kurrë në jetë, në të vërtetë është krejt e kundërta, jam një vajzë me këmbë në tokë dhe gjithcka që kam e kam arritur me forcat e mia pa ndihmën e askujt”- shpehet ajo.

Prej dhjetë vitesh tashmë, Paris Hilton është në qendër të vëmendjes në kronikat rozë dhe me siguri jo për punën e saj. 32 vjecarja nuk i lë asgjë mangut vetvetes dhe adhuron jetën e natës , arsye për të cilën paparacët e ndjekin kudo dhe mesa duket asaj nuk i vjen keq.

Së fundmi, Paris ka një shqetësim të vetëm: në vitet e fundit hajdutët kanë hyrë gjashtë herë në vilën e saj duke i marrë cdo gjë pothuajse. Si rrjedhim ajo ka vënë sisteme alarmi me lazer duke siguruar kështu një mbikëqyrje 24 orë. “Shpresoj të jem më e sigurtë tani” – shprehet trashëgimtarja milionere.

Daniela Vathi

Dërgo me email | Stampo artikullin