03/07/2013 11:33:21

E ardhmja e statusit: Sequi vijon takimet me Qeverinë e re

Meta: ''Falë shpirtit europian të popullit tonë dhanë mesazh të qartë për të ecur më shpejt në rrugën e integrimit të vendit''

TIRANE - Ambasadori i Bashkimit Europian në Tiranë, Ettore Sequi, takoi sot Kreun e Lëvizjes Socialiste për Integrimi, Ilir Meta. "Këto zgjedhje ishin në një moment kyç për të ardhmen e statusit. Falë shpirtit europian të popullit tonë dhanë mesazh të qartë për të ecur më shpejt në rrugën e integrimit të vendit. E garantova Sequi-n se do punojmë akoma më shumë dhe më ngushtë për të çuar para të gjitha reformat, që shpejtojnë marrjen e statusit", tha më tej Meta.

"Pak javë më parë arritëm me konsensus gjatë fushatës të miratojmë 3 ligjet, edhe pse me vonesë. Tani është e gjitha mundësia për të krijuar një klimë me themele të qëndrueshme dhe afatgjata të bashkëpunimit dhe gjithëpërfshirës mes mazhorancës së re dhe opozitës së re", tha Meta.

"Pas zgjedhjeve ne kemi besim se do të ketë një tranzicion të mirë drejt pushtetit, që të përqëndrohet puna të axhenda e reformave të nevojshme për Shqipërinë. Mbeta i kënaqur nga përdorimi i një fjalë, gjithëpërfshirje që është kyçe, sepse procesi i integrimit është proces që përfshin të gjithë vendin. Të gjitha mundësitë janë për vendin që të merret statusi i vendit kandidat, ne kemi besim që kjo do të jetë e mundur edhe në sajë të këtij angazhimi të ri”- tha ambasadori.

HermesNews - ©2013

Dërgo me email | Stampo artikullin