02/07/2013 17:24:05

Olldashi, kandidat për kreun e PDsë

''Pas takimeve me strukturat bazike të partisë dhe pas takimit të djeshëm me kryetarin Sali Berisha, vendosa të bëhem pjesë e garës për funksionin e kryetarit të partisë Demokratike, ku militoj prej 23 vitesh'', tha Olldashi

TIRANË - Anëtari i kryesisë së partisë Demokratike Sokol Olldashi, shpalli sot zyrtarisht kandidaturën për kreun e kësaj partie, pas dorëheqjes nga ky post të Sali Berishës, si pasojë e humbjeve në zgjedhjet e 23 qershorit. Olldashi e bëri publike futjen në garë për kreun e PD-së gjatë një deklarate për shtyp nga selia e partisë. "Pas takimeve me strukturat bazike të partisë dhe pas takimit të djeshëm me kryetarin Sali Berisha, vendosa të bëhem pjesë e garës për funksionin e kryetarit të partisë Demokratike, ku militoj prej 23 vitesh”, tha Olldashi. Duke u shprehur krenar për kontributin e tij në sukseset madhore të qeverisjes së djathtë nga viti 2005 e në vazhdim, Olldashi theksoi se, “hyn në këtë garë me dëshirën për të përfaqësuar militantët dhe anëtarët e Partisë Demokratike,si dhe për të përfituar përgjegjësinë e përfaqësimit me synim për të ndërtuar themelet morale të opozitës së sotme për ta kthyer atë në shumicë nesër”, tha ai.

HermesNews - ©2013

Dërgo me email | Stampo artikullin