01/07/2013 14:33:36

Milano, 30 vjeçari hedh gruan nga kati i 9-të: shkak, xhelozia

31 vjeçari Zef Lleshi, me precedente penal, është arrestuar nga karabinierët

MILANO - Një shqiptar 31 vjeç ka vrarë gruan e tij (Silvana H.) duke e hedhur nga kati i nëntë i një pallati në Cologno Monzese (Milano).

Gruaja 30 vjeçe ka gjetur vdekjen e menjëhershme. Ngjarja ndodhi të Dielën në "via Einaudi 1", ky çifti jetonte prej kohesh.

31 vjeçari Zef Lleshi, me precedente penal, është arrestuar nga karabinierët, të cilët thanë se ai kishte shtyrë gruan pas një zënke banale. Komshitë thanë se nuk ishte hera e parë që ata të dy ziheshin. Burri kishte thënë se të gërvishurat që iu panë në trup, i ishin bërë nga gruaja pasi kishte tentuar ta mbante në kohën kur kjo e fundit donte të hidhej nga kati i nëntë.

Grindja mes çiftit kishte nisur per shkak te një historie jashtëmartesore që burri kishte në Shqipëri. Dy dëshmitare kishin konfirmuar marëdhënien konfliktuale që ata të dy kanë patur me njeri-tjetrin. Gruaja xheloze, një javë më parë kishte shkruar në Shqipëri, për të folur me të dashurën e të shoqit.

HermesNews - ©2013

Dërgo me email | Stampo artikullin