01/07/2013 09:05:40

Socialistët festojnë themelimin e Partisë dhe fitoren e zgjedhjeve

Ftohen opozitarët: Malaj përgjigjet në facebook ''krenar dhe mirënjohës që kam pasur mundësi të kontribuoj në sfidat e modernizimit të PS-së dhe të vendit tim''

TIRANE - Socialistët festojnë sot, në një pritje madhështore, fitoren e zgjedhjeve të 23 Qershorit dhe 22 vjetorin e themelimit të partisë. Festa për këtë të dytën u shty në 12 qershor, për t’u bashkuar me festën e fitores. Edi Rama njoftoi dhe këtë festë, madje bëri të ditur se një ftesë për dy eventet u është dërguar edhe kryeministrit tashmë në detyrë ende, Sali Berisha, dhe aleatëve të tij të së djathtës si Kreut të Frymës së Re Demokratike, Bamir Topi dhe Partisë Republikane, Fatmir Mediu. Mediu tha se nuk do të jetë në festë, pasi niset për një aktivitet jashtë vendit.

Arben Malaj i eshte pergjigjur fteses se munguar te socialisteve ne facebook.
"Ftesat janë publike dhe ndoshta jo burokratike...Ndjehem krenar dhe mirënjohës që kam pasur mundësi të kontribuoj në sfidat e modernizimit të PS-së dhe të vendit tim. Detyrimet janë të përhershme dhe mirënjohëse ndaj socialistëve dhe popullit të mrekullueshëm të vendit tim. Mundësitë për t'ju shërbyer pozitivisht, asnjëherë nuk kanë qenë dhe nuk do të jenë të kushtëzuara nga karrige të caktuara partiake apo qeveritare" , shkruan ai ne faqen e tij.

HermesNews - ©2013

Dërgo me email | Stampo artikullin