01/07/2013 08:25:29

Lumi Po i merr jetën dy vogëlusheve shqiptare

Nxirret trupi i pajetë i 10 vjeçares; vijojnë kërkimet për kushërirën

PAVIA - Dy vajza shqiptare 10 dhe 11 vjeç, janë mbytur në ujërat e lumit Po, në Pavia (Itali). Ngjarja ndodhi dje. Vogëlushet, kushërira me njëra -tjetrën ishin me familjet për të kaluar fundjavën pranë lumit, vend që nga komuniteti italian njihet për rrezikun e rrjedhave që ka brenda. Të afërmit kanë tentuar t’i shpëtojnë por ka qenë e pamundur, pasi trupat e vegjël janë zhdukur nën ujë. Polumbarë, forca të zjarrfikëseve të zonës kanë mbërritur në vendngjarje pas alarmit që kanë dhënë prindërit. Një helikopter ka mbërritur në vendngjarje. Pas disa orësh është gjetur trupi i 10 vjeçares, ndërsa vijojnë me intensitet kërkimet dhe për kushërirën tjetër të zhdukur.

HermesNews - ©2013

Dërgo me email | Stampo artikullin