28/06/2013 18:29:08

Dëmtimi i traditës shekullore: prishen rrugët me kalldrëm

Bashkia lejon betonizimin. Specialitët ankohen

GJIROKASTËR - Kompleksi arkitektonik i pjesës muzeale të Gjirokastrës që i përket shekullit XVIII, sot po zëvendësohen me beton. Duke nisur nga “Pazari i Ri” e deri tek lagjet më të vjetra gjirokastrite, qindra metra katrorë kalldrëme janë zaptuar me beton apo me asfalt.

Reshat Gega, restaurator dhe specialist në fushën e trashëgimise kulturore, e vlerëson këtë situatë si të rënëe, ndërsa thekson se faji mbetet gjithmonë i institucioneve vendore e qendrore.

"Betonizimi ka degraduar qindra monumente kulturore të kategorisë së parë dhe të dytë, përfshirë këtu edhe kalldremet gjirokastrite", thotë Gega. Sipas tij, vendet ku ka ndodhur ky zëvendësim janë të pafavorshme për të restauruar kalldrëmet për shkak të pjerrësisë së madhe të terrenit. "Në shumë raste, pushteti vendor është justifikuar me mungesën e fondeve", thekson ai.

Në raportin e fundit të UNESCO-s, të publikuar afro tre muaj më parë, vëzhguesja e ICOMO, Eleni Maistrou, i tërhoqi vëmendjen Bashkisë së Gjirokastrës për betonizimin e monumenteve dhe kalldremeve, të cilësuar si dekorin kryesor të qytetit 500-vjeçar.

HermesNews - ©2013

Dërgo me email | Stampo artikullin