28/06/2013 16:58:24

Vidhnin rroba nëpër boutique: arrestohen tre gra rome

Hynin nëpër dyqane dhe vidhnin veshje të shtrenjta. Lumë denoncimesh në polici

ELBASAN - Tre gra u arrestuan nga Policia nën akuzat për "vjedhje e kryer në bashkëpunim". Burime të Policisë thonë se "një natë më parë Policia zbuloi një sërë vjedhjesh të ndodhura në shumë dyqane veshjesh në qytetin e Elbasanit dhe arrestoi tre shtetaset, që cilat i kryenin këto vjedhje". Policia kishte më shumë se dy muaj që kishte marrë një sërë denoncimesh kryesisht nga shitëse të ndryshme në Elbasan, ku viktimat ankoheshin se gratë, të cilat i përkasin komunitetit egjiptian, hynin brenda në dyqane. Njëra nga to bisedonte me shitësen dhe dy të tjerat vidhnin fustane, apo veshje të ndryshme të shtrenjta, pa u kuptuar nga shitëset apo pronaret e lokaleve. Policia nisi hetimet dhe bëri të mundur identifikimin dhe arrestimin e Rudina Dajlanit 42 vjeçe, Alketa Shahini 30 vjeçe, banuese në lagjen “Kinostudio” në Tiranë, persona në kërkim nga Policia për vjedhje, si dhe ka filluar proçedimi në ngarkim të N.D, 37 vjeç, po nga Tirana.

HermesNews - ©2013

Dërgo me email | Stampo artikullin