28/06/2013 16:32:06

''Lidershipi i ri zgjidhet nga anëtarësia''

Kreu i demokratëve mbledh kryesinë e PD-së

TIRANË - "Lidershipi i ri i Partisë Demokratike do të zgjidhet nga anëtarësia e saj, unë nuk e gjykova me vend që të bëja një rekomandim, të cilin mund ta bëja, por ia lashë në dorë anëtarësisë së partisë", u shpreh kryeministri Sali Berisha të premten, në përfundim të mbledhjes së kryesisë së PD-së. Berisha sqaroi se për këtë garë ka të drejtë të paraqesë dokumentat deri të enjten çdo anëtar i PD-së në mbarë vendin. Gara për postin e kryetarit të ri të PD-së, e nxjerr shumë të fuqishme këtë parti, sidomos tani që "PD le historinë, ruan trashëgiminë dhe zgjedh një lider që e mbështesin të gjithë", tha ai. Gara në PD është e hapur për çdo aktivist, anëtar apo drejtues qendror apo lokal të PD-së, por sigurisht qe do te kete dhe surpriza per te pakenaqurit brenda PD-se. "Ata që nuk e pranojnë rezultatin kanë probleme me veten e tyre", tha kreu aktual i PD-se.

HermesNews - ©2013

Dërgo me email | Stampo artikullin