28/06/2013 16:18:24

Bullgari, Qeveria kundër mediave

Qeveria bullgare akuzon mediat për mbulimin që i kanë bërë protestave antiqeveritare

SOFJE - Media bullgare reagoi ndaj këshillave të kryetarit të parlamentit, Mihail Mikov në lidhje me mbulimin mediatik të protestave antiqeveritare, të cilat janë në ditën e tyre të 15-të. "Pushteti u kërkoi mediave të ishin më të bindura dhe të kufizonin pasqyrimin e protestave", citoi e përditshmja Sega në një artikull. Ndërkohë, e përditshmja Pressa i konsideroi këshillat e Mikov si shkatërruese për demokracinë. Televizioni publik bullgar, BNT dhe tre televizione të tjera private mbulojnë drejtëpërdrejtë protestat që kërkojnë dorëheqjen e qeverisë se teknokratit Plamen Orecharski. Disa manifestues hodhën domate dhe vezë në drejtim të deputetëve ditën e djeshme. Pas kësaj, Mikov protestoi ndaj agresivitetit të protestuesve, duke i kërkuar televizioneve të moderonin mbulimin mediatik në raste të tilla të përshkallëzimit të tensionit.
Televizioni publik bullgar BNT dhe shoqata e operatorëve televizivë denoncuan sot tentativat politike dhe institucionale për të ndikuar mbi lirinë e fjalës dhe pavarësinë e gazetarëve.

HermesNews - ©2013

Dërgo me email | Stampo artikullin