27/06/2013 21:30:53

Fjalimi juaj nuk më prek Kryeministër

nga Alfred Mirashi

FIRENZE - E dëgjova me vëmendje fjalimin e ish kryeministrit Berisha e them të drejtën më habiti se si e lexonte, kush ja kishte shkruajtur ? Për mendimin tim nuk ishte fjalim i dashur Kryeministër.

Unë mendoj që duhet të filloje duke uruar me emër kundërshtarin tuaj politik Edi Rama, jeni sharë këto vite sikur të ishit (kalamaj) e jo burra shteti, por këto gjëra i ka politika moderne, sidomos kjo e juaja, ose e jona shqipëtare.

Unë familjarisht jam demokrat ndoshta me shpirt dhe kjo humbje është komplet gabimi i kreut të PD, sepse gjatë 8 viteve Kryeministër nuk more mundimin të pyesje: "a duhet t'ia lë ndonjë tjetri këtë post?"

Kryeministër, historia do ta tregojë se sa keni bërë për këtë shoqëri shqipëtare, por nuk e di, e dini se sa keq ka funksionuar administrata juaj, që i keni vendosur deputetë nëpër rrethe ?

Disa prej tyre janë më keq se mafiozat, kërkojnë lekë për çdo gjë, për vend pune, për të drejta apo dokumenta. Kryeministër, këtë shkollë politike keni krijuar kur ishit në pushtet, tani e kuptuat nuk qëndron gjatë në këmbë. Të flas si demokrat sepse dhe unë e ndiej përgjigjësinë time, këto gjëra shihen si dita me diell.

Mendoj Kryeministër, që me dorëheqjen tuaj nuk i zgjidhen gjërat. Më kujton një shkrim i Idro Montanellit për Berlusconin kur ky i fundit i tregonte forcën.

Ai thoshte kjo lloj force e Berlusconit do ta shkatërrojë komplet të djathtën italiane. Thua kështu do ndodhë dhe në Shqipëri ?! Në partinë tënde Kryeministër nuk ka demokraci.

E them, sepse keni të njëjtat fytyra që prej 23 vitesh, duhet rinovim i dashur. Populli është tmerruar me kandidatë që kërkojnë të fitojnë për të 6 o 7 herë.

Unë mendoj që njeriu duhet të ketë dhe ideale, apo jo ?!

Si është e mundur kryministër që deputetët bëhen kaq të pasur kur hynë në Qeveri ? Na e tregoni. E kuptoni që dhe kjo gjë ju ka bërë gropën si parti ?

Nëpër ambasada punonin vetëm kushërinjtë e ministrave o të Kryetares së Parlamentit. Kam shumë e shumë gjëra për t'iu thënë. Ndoshta nuk ja vlen ti shkruaj se jam i sigurtë që i dini. Tani e kuptuat 100% se çfarë figurash i kishe ato ministra që ju dukej vetja se kanë kapur qiellin me dorë.

Shqipëria nuk u prezantua në bienalen e Venecias, evenimenti më i madh në botën e artit. Shqipëria ka artistë shumë të talentuar, disa prezentojnë shtete të tjera, ndërsa ministria juaj e kulturës as që e mori guximin të merrte padilion shqipëtar në Venezia.

Ndoshta ju kërkova shumë. Ne si emigrantë s'kemi as të drejte vote, me gjithë ato vite që ishe në Qeveri nuk e vrave mendjen a të votojmë.

Unë ju uroj një pension të mbarë familjarisht z. Berisha, por ama një këshillë, si demokrat e them. Mos ia lini partinë asnjërit sipas dëshirës tuaj familjare ose personale sepse Partia Demokratike nuk është pronë private dhe unë mendoj që lideri duhet të zgjidhet me vota të lira e jo me forca klanesh.

Nëqoftëse nuk doni ta shkatërroni si parti, sepse votimi i 23 Qershorit e tregoi, nuk funksionon asgjë me forcë i dashur Kryeministër.

HermesNews - ©2013

Dërgo me email | Stampo artikullin