26/06/2013 15:31:38

''Shah Deniz II'', zgjedh TAP për gazsjellesin në Europë

Një marrëveshje pritet të nënshkruhet sonte në Athinë mes qeverisë greke dhe drejtorit të Përgjithshëm të TAP-it Kjetil Tungland mbi ''kushtet për investime'' të Shah Deniz II në Greqi, sipas Ministrisë greke të Mjedisit

ATHINË - Një delegacion i konsorciumit të gazit në Azerbajxhan, ''Shah Deniz II'', që operon në rajonin Kaspik, informoi pak minuta më parë zyrtarisht kryeministrin grek, Adonis Samaras se kishte përzgjedhur për zbatim projektin e gazsjellësit TAP (Trans Adriatic Pipeline), deklaroi një burim shumë i afërt me delegacionin dhe dosjen në fjalë.

''Projekti TAP, i mbështetur nga Greqia që prej shumë kohësh, ishte në qendër të bisedimeve të zhvilluara mes delegacionit të ''Shah Deniz II'', pjesë e të cilit ishin përfaqësues të shoqërive kryesore të konsorciumit si 'BP' dhe 'Socar', dhe kryeministri grek, Adonis Samaras'', theksonte po i njëjti burim, pa bërë publik identitetin

Ndër anëtarët e këtij delegacioni figuron zëvendëspresidenti i BP-s, Al Cook dhe presidenti i ndërmarrjes Socar Abdoullayef Rovnag. TAP-i do të livrojë fillimisht në Europë përmes Greqisë dhe Italisë, 10 miliardë m3 gaz në vit.

Kryeministri Sali Berisha ka reaguar sot pas përzgjedhjes së projektit të gazësjellësit TAP. Në rrjetin social "Facebook", Berisha shkruan "të dashur miq, projekti i gazësjellësit TAP u përzgjodh. Fitoi Shqipëria, projekti i shekullit për ne".

HermesNews - ©2013

Dërgo me email | Stampo artikullin