26/06/2013 08:31:59

Shkodra mbyll numërimet. Ndërron mandati: PD merr deputetin

Koalicionet barazim në Kukës: ende tre qarqe pa numëruar. Në momentet e fundit të numërimit të kutisë së fundit, është regjistruar përmbysja e një mandati, ku nga Partia Republikane me kandidatin Gaspër Kokaj, që konsiderohej e sigurt, ai i ka kaluar Partisë Demokratike

(08:34) Në orët e para të mëngjesit të sotëm kanë shënuar mbylljen e proçesit të numërimti të kutive te votimit në qarkun Shkodër. ZAZ numër 2, qe kishte në administrim për zgjedhjet e 23 qershorit komunat e thella malore të Shalës, Pultit, Shllakut, Shoshit, si dhe ato më poshtë në afërsi të qytetit, si Postriba dhe Gruemira, ishte e fundit nga tetë ZAZ-të e këtij qarku që mbylli procesin e e numërimit të votave.

Votat e 32.124 votuesve që e kryen këtë proçes në 55 qëndra votimi kanë shfaqur interes pasi duke qënë të fundit kanë përcaktuar dhe verdiktin përfundimtar të 11 mandateve te planifikuara për qarkun Shkodër.

Në momentet e fundit të numërimit të kutisë së fundit, është regjistruar përmbysja e një mandati, ku nga Partia Republikane me kandidatin Gaspër Kokaj, që konsiderohej e sigurt, ai i ka kaluar Partisë Demokratike duke e bërë atë me 5 mandate në Qarkun Shkodër.

Sipas përfaqësuesit të KQZ-së në qarkun Shkodër, Gjon Voci, Partia Socialiste ka arritur të marrë 4 mandate dhe nga 1 të tillë Lëvizja Socialiste për Integrim dhe Partia KristianDemokrate. Duke qënë se këto dy të fundit janë pjesë e koalicionit të majtë, rezultati përfundimtar mes dy kampeve respektive ka përfunduar në favor të aleancës së majtë me rezultatin 6 me 5.


TIRANE - E majta ka fituar pjesën më të madhe të votave në shkallë vendi, ndërsa numërimi po shkon drejt fundit. Kanë mbetur pa numëruar vetëm 3 qarqe. PS-ja kryeson në 11 nga 12 qarqet, respektivisht në Tiranë, Fier, Elbasan, Korçë, Vlorë, Berat, Dibër, Gjirokastër, Shkodër. Në Kukës koalicionet kanë dalë 2 me 2, një barazim. Të dhënat e fundit të KQZ-së theksojnë se pjesëmarrja në votime në rang vendi është 53.75%.

Opozita siguron 85 mandate; PD së bashku me aleatët e saj PDIU dhe PR shkon në 55 mandate. PD duket se ka humbur edhe bastionet e saj tradicionale, siç është Shkodra, ku e majta kryeson me 6 mandate, krahasur me 5 të PD.

LSI ka 17 vende në Kuvend, PDIU 4, PR 4 dhe PBDNJ 1.

Tiranë ndryshon rezultati në favor të PS. Nga numrimi i votave, PS rrëmben një mandat tjetër duke cuar numrin në 16, kurse PD mbetet me 11.

Ruajnë nivelet e mëparshme LSI me 3 mandate, PDIU me 1 dhe PR me 1. ASHE shkon me 19 mandate në Tiranë ndërsa APMI me 13 mandate për deputetë.

REZULTATET NE RANG VENDI
MANDATE 85 ME 55
LSI 17
PS 66
PD 48
PDIU 4
PR 4
FRD 0
PBDNJ 1
AK 0

Të dhënat e fundit sipas Komisionit Qëndror të Zgjedhjeve ORA 08:00

KORÇE
Janë numëruar deri tani 444/447 kuti gjithsej, ku ASHE ka marrë 88183 vota, APMI 56373, FRD 1399.

ELBASAN
Numërohen 536/540 kuti ASHE 101298, APMI 67943, FRD 1735, AK 604 vota. (Pritet përditësimi i rezultatit)

KUKES
Numërohen 169/169 kuti gjithsej, ku ASHE ka marrë 98207 vota, APMI 66284, FRD 272 vota.

DURRËS
Në Qarkun Durrës janë numëruar deri tani 410/444 kuti ASHE 72427, APMI 63800, FRD 3322, AK 543 vota.

FIER
Në këtë qark janë numëruar deri tani 476/576 kuti gjithsej ASHE 101016 vota, APMI 51061vota, kurse 5169 vota kanë shkuar në adresë të kandidatit të pavarur, Dritan Prifti. FRD 2144 vota, AK 540 vota.

LEZHË
Numërohen deri tani 238/258 kuti, ASHE 37291, APMI 34402, FRD 688 vota.

TIRANË
Në këtë qark janë numëruar aktualisht ku 1342/1422 kuti ASHE 237203, APMI 173813 FRD 5813 vota.

BERAT
Në qarkun e Beratit janë numëruar deri tani 302/302 kuti, ASHE 67 627 vota, APMI 23 030 , FRD 469 vota.

DIBËR
Në Dibër janë numëruar të plota 264 kutitë e votimit, ku ASHE 36964 vota, APMI 35005, FRD 2322 vota.

GJIROKASTËR
Në Gjirokastër janë numëruar 237/237 kuti gjithsej ku ASHE ka marrë 33995, APMI 14264, FRD 181 vota.

SHKODËR
Qarku Shkodër janë numëruar deri tani 417/417 kuti gjithsej ku ASHE ka marrë 64208, APMI 53997, FRD 2411 vota, AK 429.

VLORË
Qarku Vlorë janë numëruar 432/432 kuti, ku ASHE ka marrë 77327 vota, APMI 37117 vota. Kandidati i pavarur Arben Malaj ka marrë 3007, 1051 vota FRD, AK 851. Emrat e deputetëve të rinj Perfundon numerimi ne 96.59%

HermesNews - ©2013

Dërgo me email | Stampo artikullin