25/06/2013 21:34:15

Rama: ''Përulemi përpara shqiptarëve''

Lideri socialist mban fjalimin historik: 'Do të udhëheqim, por as unë as ne të zgjedhurit për të drejtuar, s'mund ta sjellim të vetëm Rilindjen që prëmtuam'

TIRANE - Lideri i PS-së dhe Kryeministri i ardhshëm i vendit, Edi Rama mbajti fjalimin e fitores përpara gjithë shqiptarëve. "Ne do të udhëheqim, por as une as ne të zgjedhurit për të drejtuar, s'mund ta sjellim të vetëm rilindjen që premtuam. Prandaj duam që ju, njerëzit e kvtij vendi të bëheni pjesë e skuadrës sonë së Rilindjes", tha Edi Rama.

"Ti ndajmë aspiratat, sfidat dhe përpjekjet për një ekonomi të rimëkëmbur... një shoqëri të ripërtërirë me arsim e shëndetësi, sipas nevojës jo sipas xhepit", tha ai. "Duke parë flamujt e fitores... duke parë më në fund që gëzimi pushton fëtyrën e çdo opozitari të sotëm dhe unë ndjehem thellësisht i ngazëllyer si të gjithë ju...kjo fitore nuk është mbërritja por nisja", tha lideri socialist.

"Më ka qëllura të flas fjalë të rënda për kundërshtarin tim... por sonte dua ta falenderoj atë për çdo gjë të mirë që historia mbase do ta vlerësojë nesër me një objektivitet më të madh se sot... dhe i uroj gjithë të mirat në jetën e tij private në vazhdim...", tha Edi Rama.

HermesNews - ©2013

Dërgo me email | Stampo artikullin