25/06/2013 19:13:36

Policia, mafia është kërcënim serioz për vendin

Që prej vitit 2010, organizatat kriminale italiane janë vënë në qendër të analizave në Zvicër

GJENEVË - Krimi i organizuar është një kërcënim real për Zvicrën, u shprehën sot autoritetet e policisë federale zvicerane, në bazë të një raporti vjetor. Policia federale përmendi grupe mafioze italiane, gjeorgjiane, të Europës Juglindore dhe të Afrikës Perëndimore, në raportin e saj vjetor. "Organizatat mafioze italiane sjellin këtu fondet e tyre dhe e përdorin Zvicrën si bazë logjistike për aktivitetet e tyre kriminale", nënvizuan autoritetet. Që prej vitit 2010, organizatat kriminale italiane janë vënë në qendër të analizave në Zvicër. Këto organizata përqëndrohen më tepër në zonat kufitare me Italinë dhe Gjermaninë.

HermesNews - ©2013

Dërgo me email | Stampo artikullin