25/06/2013 19:00:03

Serbia kerkon hapjen e negociatave per anetaresimin me BE-se

Nikoliç, 'Serbia bëri gjithçka për anëtarësimin në familjen evropiane. Shpreh bindjen se Bashkimi Evropian do t'i ofrojë Serbisë mundësinë për t'u bërë pjesë e tij'

(19:10) Bashkimi Europian rekomandoi sot hapjen e negociatave për anëtarësimin e Serbisë në bllokun e 27 vendeve, thanë burime diplomatike nga Komisioni Europian, që kërkuan të mos identifikoheshin.


BEOGRAD - Presidenti serb, Tomislav Nikoliç i bëri sot thirrje Bashkimit Evropian t'i japë Serbisë një datë konkrete për hapjen e bisedimeve të anëtarësimit, dy ditë para mbledhjes së KE që do të vendosë mbi këtë çështje. "Serbia bëri gjithçka për anëtarësimin në familjen evropiane. Shpreh bindjen se Bashkimi Evropian do t'i ofrojë Serbisë mundësinë për t'u bërë pjesë e tij", deklaroi Nikoliç. Nikoliç ju drejtua veçanërisht Gjermanisë, si anëtarja më me ndikim në BE. Ai i bëri thirrje Berlinit të tregojë nëpërmjet vendimit të tij se Gjermania është në favor të pajtimit, paqes dhe stabilitetit në rajon dhe që ajo di të çmojë përpjekjet e bëra nga Serbia në këtë drejtim. "Caktimi i një date do të kontribuonte gjerësisht në intensifikimin e procesit të normalizimit të marrëdhënieve në Ballkan dhe për të përforcuar stabilitetin", nënvizoi ai. "Një prekje e lehtë në shpatull nuk është e mjaftueshme për ne", theksoi Nikoliç. Këshilli Evropian duhet të vendosë nëse Serbia ka bërë progres të mjaftueshëm me anë të marrëveshjes së normalizimit të marrëdhënieve me Kosovën.

HermesNews - ©2013

Dërgo me email | Stampo artikullin