25/06/2013 16:36:12

Qeveria greke bën betimin: Kryeministri grek, garantojmë stabilitet

Samaras: objektivi ynë, nxjerrja e vendit nga kriza

(17:30) Kryeministri grek Adonis Samaras, në një deklaratë ku citonte përparësitë e kabinetit të ri qeveritar, theksoi ''nevojën për të shmangur masa të reja të shtrëngimit ekonomik. Është e nevojshme të shmangim masa të reja të shtrëngimit ekonomik dhe të forcojmë luftën kundër papunësisë së të rinjve dhe të promovojmë reforma të mëdha që do të kenë si objektiv ta shndërrojnë thelbësisht Greqinë duke ndryshuar tablonë e saj të përgjithshme'', theksoi Samaras


ATHINË - Qeveria e re greke, ministrat e sëcilës sapo kanë bërë betimin përpara presidentit të Republikës së Greqisë, Karolios Papulias, ''garanton stabilitet për vendin'', deklaroi kryeministri, Adonis Samaras në përfundim të ceremonisë së betimit të kabinetit të ri në Pallatin Presidencial. ''Kjo qeveri garanton stabilitet për Greqinë'', theksoi gjatë një deklarate të shkurtër kreu i qeverisë së re greke, Adonis Samaras, në Athinë. ''Objektivi i qeverisë mbetet ai i kompletimit të mandatit katërvjeçar, të nisur një vit më parë, me synim garantimin e stabilitetit dhe mundësimin e nxjerrjes së vendit nga kriza, po ashtu edhe realizimin e të gjitha reformave të nevojshme'', përfundoi Samaras.

HermesNews - ©2013

Dërgo me email | Stampo artikullin