25/06/2013 16:27:05

Lavrov: Snowden nuk ka shkelur kufirin rus, nuk kemi lidhje

Snowden e ka zgjedhur vetë itinerarin e tij, për të cilin u njoftuam përmes mediave dhe ai nuk e ka shkelur kufirin rus, deklaron Ministri i jashtem ne Moske

(19:10) Presidenti rus, Vladimir Putin deklaroi sot se Edward Snowden, ish-konsulenti i agjencisë NSA i kërkuar nga SHBA, ndodhej akoma në një zonë tranzit të aeroportit të Moskës, duke i dhënë fund misterit mbi fatin e të riut.
Ai këmbënguli se Rusia nuk kishte asnjë marrëveshje për ekstradimet me SHBA. Putin theksoi se sa më shpejt Snowden të zgjidhte një destinacion, aq më mirë do të ishte, si për Rusinë ashtu dhe për atë vetë.


MOSKË - Rusia ''nuk ka asnjë lidhje me Snowdenin, sepse ai nuk e ka shkelur kufirin rus'', u shpreh kryediplomati i Moskës, Sergei Lavrov gjatë një konference shtypi në Moskë lidhur me çështjen Datagate. ''Dua të qartësoj se nuk kemi asnjë lloj lidhjeje me Snowdenin, me marrëdhëniet e tij me Departamentin Amerikan të Drejtësisë apo me lëvizjet e tij nëpër Botë'', theksoi kreu i diplomacisë ruse gjatë konferencës në Moskë me kolegun e tij algjerian, Murad Medelci.''Snowden e ka zgjedhur vetë itinerarin e tij, për të cilin u njoftuam përmes mediave dhe ai nuk e ka shkelur kufirin rus'', veçoi Lavrov.

HermesNews - ©2013

Dërgo me email | Stampo artikullin