25/06/2013 07:40:07

Socialistët mbulojnë Shqipërinë: ASHE 84 mandate, APMI 56

ASHE 84 mandate, APMI 56. Mbeten ende 685 kuti për t'u numëruar

(19:07) Përfaqësuesja e Lartë e Bashkimit Europian, Cathrine Ashton dhe Komisioneri Stefan Fule, i bënë thirrje sot të gjitha partive politike në Shqipëri të veprojnë me frymë konstruktive për të mirën e popullit shqiptar, njoftoi zyra e shtypit e Delegacionit të BE-së në Tiranë.

Përmes një deklarate për shtyp, Ashton dhe Fule përgëzojnë qytetarët shqiptarë për zgjedhjet parlamentare të 23 qershorit në Shqipëri, që u zhvilluan në mënyrë të rregullt.

"Tani duhet garantuar ndjekja e duhur e gjetjeve paraprake dhe konkluzioneve të Misionit Ndërkombëtar për Vëzhgimin e Zgjedhjeve. Ne dënojmë rastet e raportuara të dhunës dhe presim që këto incidente të hetohen plotësisht dhe autorët të dalin para drejtësisë", theksojnë Ashton dhe Fule në këtë deklaratë.

Sipas tyre, tani është e rëndësishme që stadet e mbetura të procesit zgjedhor të kryhen në përputhje me standardet e BE-së dhe ato ndërkombëtare.

"Ne ju inkurajojmë që sapo të certifikohen rezultatet të krijohet menjëherë qeveria për trajtimin e sfidave të menjëhershme që ju presin për të garantuar që programi i reformave të vendit do të ndiqet fuqimisht dhe që procesi i integrimit evropian të mund të fitojë një vrull të ri", përfundon deklarata e Përfaqësueses së Lartë të BE, Cathrin Ashton dhe Komisionerit Fule.


(19:04) Procesi i numërimit të votave në kryeqytet po vijon në ditën e dytë, ndërsa deri tani (ora 17:00) janë numëruar rreth 75.11% e kutive të votimit ose 1068, nga 1422 që ka në të gjithë qarkun. Sipas informacioneve zyrtare nga KQZ, pjesëmarrja në votime në qarkun më të madh të vendit deri tani përllogaritet në 57.70%. Nga votat e fituara, renditja e subjekteve politike në Tiranë, kryesohet nga Partia Socialiste me 43.57% të votave; Partia Demokratike me 34.58%; Lëvizja Socialiste për Integrim 7.45% të votave; Partia Republikane 2.24%; FRD 2.18%, etj. Qarku i Tiranës, me 785.086 zgjedhës, do të nxjerrë numrin më të madh të deputetëve në Kuvend, 32.


TIRANE - Deri tani (ora 11:30) Komisioni Qendror i Zgjedhjeve raporton për përfundimin e numërimit në 4151 qendra votimi nga 5508 që janë gjithsej, ose në 75.36 për qind të tyre, ndërsa pjesëmarrja në votime në rang kombëtar është në shifrat e 52.63%. Komisioni Qendror i Zgjedhjeve deri ne keto momente njofton se jane numeruar 4117 nga 5508, nderkohe qe per kutite e mbetura vijon sot dita e dyte e numerimit.


LEZHE jane numeruar 207 kuti

ASHE 32915 vota
APMI 28425


DURRES jane numeruar 318 kuti

ASHE 56316
APMI 47847


SHKODER jane numeruar 324 kuti

ASHE 51604
APMI 43704


DIBER jane numeruar 263 kuti

ASHE 36828
APMI 34887


BERAT jane numeruar 256 kuti

ASHE 58149
APMI 19443


TIRANE

ASHE 141713
APMI 108048


KORCE jane numeruar 441 kuti

ASHE 87258
APMI 55888


FIER jane numeruar 396 kuti

ASHE 87991
APMI 43258


ELBASAN jane numeruar 400 kuti

ASHE 73804
APMI 51542


VLORE jane numeruar 368 kuti


ASHE 67780
APMI 32111


KUKES jane numeruar 148 kuti

ASHE 16355
APMI 24486


Të tjera/ Perfundon numerimi ne 80% te qendrave. Rrezultatet deri ne oren 13:00

HermesNews - © 2013

Dërgo me email | Stampo artikullin