24/06/2013 13:10:21

Durres, proçesi i numerimit

Në Vendnumërimet e zonave zgjedhore 19, 20, 21 dhe 22, që përfshijnë 15 bashki dhe komuna, përveç bashkisë së Durrësit, numërimi i votave vijon normalisht dhe pa ndërprerje

DURRËS - Proçesi i numërimit të votave në bashkitë dhe komunat periferike të qarkut të Durrësit po vijon normalisht. Vladimir Hoxha, inspektor i KQZ për rajonin zgjedhor, tha se procesi i numërimit ka nisur rreth orës 04.00 të mëngjesit dhe po vazhdon sipas ritmeve të parashikuara. Në Vendnumërimet e zonave zgjedhore 19, 20, 21 dhe 22, që përfshijnë 15 bashki dhe komuna, përveç bashkisë së Durrësit, numërimi i votave vijon normalisht dhe pa ndërprerje, tha Hoxha. Në katër vendnumërimet që ndodhen në Krujë, Shijak, Shën Vlash dhe Durrës grupet e numërimit do të shfletojnë materialet që kanë mbërritur nga 237 qendra votimi gjithsej.Ndërkohë materialet zgjedhore të 207 Qendrave të tjera i përkasin tre Zonave zgjedhore në bashkinë e qytetit bregdetar. Në bazë të rezultateve të 23 qershorit, qarku bregdetar do të përfaqësohet në Kuvendin e legjislaturës së ardhshme me 13 deputetë gjithsej.

HermesNews - ©2013

Dërgo me email | Stampo artikullin