24/06/2013 08:14:16

Durrës: fillon proçesi i numërimit

Në KZAZ nr 24, e cila përfshin një pjesë të bashkisë së Durrësit, numërimi ka përfunduar për 6 nga 73 kutitë e votimit, ndërsa është në proces numërimi i dy kutive të tjera

DURRËS - Procesi i numërimit të votave, në qarkun e Durrësit ka filluar përgjithësisht në orët e para të ditës së hënë. Një pjesë e grupeve të numërimit, pas marrëveshjeve konsensuale, kanë pushuar për disa orë, për të rifilluar në orët e para të mëngjesit të së hënës.

Në KZAZ nr 24, e cila përfshin një pjesë të bashkisë së Durrësit, numërimi ka përfunduar për 6 nga 73 kutitë e votimit, ndërsa është në proces numërimi i dy kutive të tjera.

KQZ ka përcaktuar prej kohësh vendndodhjen e shtatë Vendnumërimeve të Votave (VNV) në të gjithë qarkun, sipas kësaj liste. Sallat e numërimit të votave (Vend Numerimi i Votave – VNV) në Qarkun e Durrësit dhe Krujës, ZAZ 19 Krujë Salla e mbledhjeve të Këshillit bashkiak, ZAZ 20 Durrës Shkolla “Leonik Tomeo”,ZAZ 21 Shijak Pallati i Kulturës, ZAZ 22 Shën Vlash Palestra e shkollës, ZAZ 23 Durrës Shkolla “Bernardina Qerraxhia”,ZAZ 24 Durrës Pallati i sportit “Ramazan Njala”,ZAZ 25 Durrës Pallati i Kulturës “Aleksandër Moisiu”.

HermesNews - ©2013

Dërgo me email | Stampo artikullin