23/06/2013 15:05:43

Çfarë duhet të prisnim....kjo qe fushatë agresive

nga Doriana Metollari

HermesNews - Ngjarja e sotme në Laç do të shënojë me patjetër, një minus sa gjatë - gjerë, në raportin e ecurisë së proçesit elektoral shqiptar, që asnjëherë nuk ka qenë normal në historinë postkomuniste shqiptare.

Vrasja sot, rezultat i një gjuhe tejet agresive që është përdorur gjatë të gjithëa ditëve të proçesit të fushatës zgjedhore, nga disa liderë që kanë përçarë njerëzit, duke u hedhur para syve asgjë tjetër vetëm figura si "tradhëtare", kanë denigruar personin, punën e tij, pa dhënë asnjë alternative ndaj problemeve dhe më e keqja pa krijuar asnjë debat të mirëfilltë rreth problemeve.

Nuk do të çuditesha nëse njerëzit do ta bojkotonin këtë proçes dhe as nëse policia do të gjente fletë votimi të tepërta, sepse liderët e politikës shqiptare nuk kanë treguar maturi politike. Kjo qe një fushatë kaotike, e urrejtjes, dhe e ç'orientimit të qytetarëve.

Cfarë po ndodh ? Berisha po humbet dhe kjo është strategji për të krijuar kaos për kundërshtarin ? Rama po humbet dhe kërkon medoemos të ndjekë të njëjtën gjuhë, për ta çuar vendin drejt greminës ?

Unë kam dhe një opsion të tretë. Asnjë nuk është aq i pjekur nga ana politike, sa të mund të bëjë një betejë korrektësisht të përballueshme nga standandartet e BE-së. Besoj se po. Dhuna në elektorat, është shëmbull i një sfide që për shqiptarët është e fortë. Flas për qytetarët e ndershëm, ata që ende duan të krijojnë një shoqëri civile nesër.

HermesNews - ©2013

Dërgo me email | Stampo artikullin