23/06/2013 13:57:29

Pekini ngre tonet kunder SHBA

Agjencia kineze e lajmeve, Hsinhua e ka cilësuar SHBA-në "mashtruesin më të madh të kohës sonë" në fushën e sulmeve kompjuterike

HONG KONG - Pekini reagoi sot ashpër pas deklaratave të ish-konsulentit të CIA-s, Edward Snowden, i akuzuar nga drejtësia e SHBA-së. Agjencia kineze e lajmeve, Hsinhua e ka cilësuar SHBA-në "mashtruesin më të madh të kohës sonë" në fushën e sulmeve kompjuterike. Akuzat e fundit për spiunazh në rrjetet e telefonisë celulare kineze "tregojnë se SHBA-ja që për një kohë të gjatë u përpoq të ishte një viktimë e pafajshme e sulmeve kompjuterike, shfaqet mashtruesi më i madh i kohës sonë në këtë fushë", sipas agjencisë shtetërore kineze të lajmeve Hsinhua. "SHBA-ja i detyrohet shpjegime Kinës dhe vendeve të tjera për spiunazh. Duhet t'i bëjë të ditur botës shtrirjen dhe objektivat e programeve të paligjshme të piraterisë", shtonte Hsinhua.

HermesNews - ©2013

Dërgo me email | Stampo artikullin