23/06/2013 13:51:02

Kukan takon Berishën për zgjedhje

Kryeministri Berisha pret në takim Komisionin Ad Hoc të Parlamentit Evropian, që ndodhet në Shqipëri me rastin e zgjedhjeve parlamentare

TIRANË - Kryeministri Sali Berisha priti në një takim Komisionin Ad Hoc të Parlamentit Europian, i cili ndodhet në Shqipëri me rastin e zgjedhjeve parlamentare, të kryesuar nga zoti Eduard Kukan, kryetar i delegacionit të PE për marrëdhëniet me Europën Jug – Lindore dhe të përbërë nga anëtarë të Parlamentit Europian të gjitha grupeve politike. “Ndihem shumë i lumtur, - u shpreh Kryeministri Berisha – për numrin e madh të delegacioneve dhe vëzhguesve ndërkombëtarë që ndodhen sot në Shqipëri, të cilët do të kenë mundësi drejtpërsëdrejti të vëzhgojnë mbarëvajtjen e këtij procesi, i cili padyshim do të jetë procesi zgjedhor më i miri i zhvilluar në Shqipëri gjatë këtyre 22 viteve”. Parlamentarët europianë i shprehën Kryeministrit Berisha vlerësimet e tyre më të larta për progresin e jashtëzakonshëm që kanë ndodhur në Shqipëri gjatë kësaj periudhe.

HermesNews - ©2013

Dërgo me email | Stampo artikullin