23/06/2013 13:29:51

Vritet 49 vjeçari ne Laç

Ka gjetur vdekjen në spitalin e qytetit të Laçit, shtetasi Gjon Gjoni, vjeç 49

LEZHË - Burime zyrtare nga Drejtoria e Policisë së Lezhës bene te ditur per se rreth orës 08.45, në ambjentet e jashtme të shkollës së mesme "At Shtjefën Gjeçovi" ka patur shkëmbim zjarri. Për pasojë ka mbetur i plagosur dhe më pas ka gjetur vdekjen në spitalin e qytetit të Laçit, shtetasi Gjon Gjoni, vjeç 49, banues në Laç të rrethit Kurbin, si dhe janë plagosur shtetasi Mhill Fufi, banues në Mamurras, rreth 49 vjeç, kandidat për deputet i subjektit politik Partia Demokratike për Qarkun e Lezhës, i cili është dërguar për mjekim në Spitalin e Rajonal Lezhë, jashtë rrezikut për jetën, si dhe shtetasi Kastriot Fufi, vjeç 39, banues në Mamurras, i cili ndodhet ne gjendje te rënde shendetësore dhe është dërguar për ndihmë më të specializuar në Spitalin Ushtarak Tiranë. Zëdhënësi i Policise, Fatos Çera, tha se pas marrjes së informacionit strukturat e Policisë së Qarkut Lezhe shkuan menjëherë në vendngjarje dhe po punohet për sqarimin e plotë të rrethanave të ngjarjes, identifikimin dhe venien para drejtesise te autoreve.

HermesNews - ©2013

Dërgo me email | Stampo artikullin