22/06/2013 18:14:37

Elbasan, policia ruan qendrat e votimit

Në rrethin e Elbasanit ndodhen 326 QV dhe 7 KZAZ, në rrethin e Librazhdit ndodhen 99 QV dhe 1 KZAZ, në rrethin e Peqinit ndodhen 52 QV dhe 1 KZAZ dhe në rrethin e Gramshit ndodhen 64 QV dhe 1 KZAZ

ELBASAN - Drejtoria e Policisë së qarkut të Elbasanit për përballimin me sukses të procesit zgjedhor ka angazhuar 573 punonjës policise, që do të mbulojnë me shërbime 541 qendra votimi QV dhe 10 komisione zonale të administrimit zgjedhor KZAZ.

Në rrethin e Elbasanit ndodhen 326 QV dhe 7 KZAZ, në rrethin e Librazhdit ndodhen 99 QV dhe 1 KZAZ, në rrethin e Peqinit ndodhen 52 QV dhe 1 KZAZ dhe në rrethin e Gramshit ndodhen 64 QV dhe 1 KZAZ.

Gjatë një deklarate për shtyp zëdhënësja e Policisë, Valbona Begu, bëri të ditur se "për të pasur një mbarëvajtje të sukseshme të këtij procesi zgjedhor në qarkun e Elbasanit, kanë ardhur në mbështetje të Drejtorisë së policisë forca policore nga Komisariati i Menaxhimit të Trafikut Interurban, 66 forca policore në mbështetje të rrethit Elbasan, nga drejtoria e Kufirit dhe Migracionit 70 forca policore, për komisariatet e policisë në rrethe dhe nga Komisariti i Policisë nr 1 Tiranë 170 forca policore".

HermesNews - © 2013

Dërgo me email | Stampo artikullin