20/06/2013 13:49:54

Buffet lavdëron gratë dhe zotësinë e tyre

Milioneri Buffet është shprehur se të mos përdorësh talentin e grave është një gabim shumë i rëndë

NEW YORK - Një himn kushtuar zotësisë së grave. Ja cfarë është konsideruar fjalimi i milionerit të famshëm 84 vjecar gjatë intervistës së tij për Cnn.

“Të mos përdorësh talentin e tyre është një gabim i rëndë” ka thënë gjeniu i Ohamas dhe pse jo një nga njerëzit më me ndikim në botë.

Ai mendon se është një skandal fakti që në listën e “Fortune 500” gratë përfaqësojnë një shifër qesharake prej vetëm 4%. Ndërkohë që sipas tij një rritje e prezencës femërore do të ishte një hap përpara dhe do të garantonte më tepër sukses në përgjithësi.

Nuk ka munguar të theksojë faktin se gratë kanë një zotësi dhe një talent të lindur, të cilit i duhet hapur më tepër rrugë në shoqërinë moderne. Personalisht, Buffet ka vendosur në krye të administrimit të kompanisë së tij multimiliardere një grua 28 vjecare, Tracy Britt, e punësuar vetëm 4 vjet më parë kur sapo ishte diplomuar në Harward Business School. Sot ajo është padyshim një nga gratë më të fuqishme të “mbretërisë” Buffet në Ohama.

Daniela Vathi

Dërgo me email | Stampo artikullin