17/06/2013 20:04:21

Martin Schulz mesazh Kryeministrit turk Erdogan

'Kryeministri turk, Recep Tayyip Erdogan duhet të ketë të qartë faktin se është pikërisht Turqia që po përpiqet të anëtarësohet në Bashkimin Europian dhe jo e kundërta', u shpreh haptazi Schulz

BRUKSEL - Presidenti i PE-së, Martin Schulz u shpreh pak më parë se ''do të ishte me e udhës që kryeministri turk, Erdogan të kontribuonte më tepër në rikthimin e paqes në vendin e tij, se sa në të shprehurit ashpër kundër Parlamentit Europian. "Nuk duhet të përpiqet të diskreditojë Parlamentin Europian, do të më pëlqente ta shikoja Erdoganin të kontribuonte më tepër në rikthimin e paqes në vendin e tij'', deklaroi presidenti Martin Schulz në një koment mbi deklaratën e fundit të bërë nga kreu i qeverisë turke, ku ky i fundit u shpreh se ''nuk e njihte Parlamentin Europian''.''Kryeministri turk, Recep Tayyip Erdogan duhet të ketë të qartë faktin se është pikërisht Turqia që po përpiqet të anëtarësohet në Bashkimin Europian dhe jo e kundërta'', u shpreh haptazi Schulz.

HermesNews - ©2013

Dërgo me email | Stampo artikullin