17/06/2013 12:01:28

Bankat të rrisin transparencën

Sipas Bankës së Shqipërisë, vërehen raste të përdorimit nga bankat të normës minimale dysheme të interesit me qëllim mbrojtjen nga ulja e normave bazë të interesit, apo edhe raste të përdorimit të indeksit të brendshëm të bankës në vend të indeksit orientues

TIRANE - Sistemi bankar duhet te rrise transparencën dhe publikimin e informacionit per publikun. Sipas raportit të Mbikëqyrjes për vitin 2012, megjithëse ka një rritje të angazhimit nga bankat për respektimin e rregullave, vazhdojnë të evidentohen problematika kryesisht me përmbajtjen e kontratave të kredisë lidhur me normën e interesit dhe Normën Efektive të Interesit.

Sipas Bankës së Shqipërisë, vërehen raste të përdorimit nga bankat të normës minimale dysheme të interesit me qëllim mbrojtjen nga ulja e normave bazë të interesit, apo edhe raste të përdorimit të indeksit të brendshëm të bankës në vend të indeksit orientues.

Gjithashtu, mangësi janë vërejtur edhe në përputhshmërinë me kuadrin rregullator të transparencës për kreditë konsumatore e hipotekore. Për sa i takon publikimit të informacionit, mangёsitё lidhen me mosprezencën e procedurave të brendshme mbi përgatitjen dhe publikimin e informacionit sipas standardeve dhe kërkesave rregullative në fuqi, vonesat në publikimin e raporteve vjetore dhe tremujore nё faqen e internetit.

Megjithëse raporti vlerëson se bankat janë përpjekur që informacioni i publikuar në ambientet e bankës dhe i ofruar nga shërbimi i klientit të jetë i qartë dhe i plotë, në disa raste vërehen mangësi në drejtim të pajisjes së klientit me informacionin parakontraktor.

HermesNews - © 2013

Dërgo me email | Stampo artikullin