14/06/2013 14:34:27

Asteroidi 1999 Rq36: i rrezikshëm për Tokën

Asteroidi 1999 Rq36, i cili do ti afrohet Tokës në 2182, është aktualisht trupi qiellor më i rrezikshëm për planetin tonë. Ka një diameter mesatar prej 510 kilometrash dhe rënja e tij do te ishte e barabartë me shpërthimin e 2700 mega ton tritol.

HermesNews - Asteroidi 1999 Rq36, i cili do ti afrohet Tokës në 2182, është aktualisht trupi qiellor më i rrezikshëm për planetin tonë. Ka një diameter mesatar prej 510 kilometrash dhe rënja e tij do te ishte e barabartë me shpërthimin e 2700 mega ton tritol.

Sipas ekspertëve, impakti i këtij trupi qiellor me planetin tonë do të ishte shumë i rrezikshëm, madje disa shkencëtare rus po mendojnë ta devijojnë nga trajektorja e tij. Rreziku vjen nga fakti se njëra anë e asteroidit mund të pësojë ngrohje të tepërt nga dielli dhe të ndërrojë orbitën e tij duke i rënë Tokës në 2182.

Specialistët e qendrës së kërkimeve hapësinore të Akademisë së Shkencave Ruse kanë hedhur idenë për ta devijuar nga trajektorja e tij me ndihmën e një asteroidi tjetër.

Idea lindi në bazë të një teknike të ashtuquajtur “Llastiqe gravitacionale” që përdoret për të modifikuar shpejtësinë e një mjeti hapësinor . Me pak fjalë kur duhet ndryshuar shpejtësia pa harxhuar karburant, atëherë është e mundur, pasi ka kaluar pranë një trupi qiellor si Toka ose Hëna, ti ndryshohet shpejtësia duke e dërguar atë në drejtimin e dëshiruar.

Nëse në vend të mjetit hapësinor ndodhet një asteroid, mund të dërgohen këta një mijë e pesëqind tonelata aty ku duhet. Në bazë të kërkimeve të deritanishme, është menduar të përdoret asteroidi Aphonis, i zbuluar në 2004, për të devijuar asteroidin tjetër në fjalë.

Nga Toka deri në Aphonis mund të dërgohet një mjet kozmik duke përdorur teknikën e “llastiqeve hapësinore” për të shtyrë tutje asteroidin që kërcënon Tokën.

Në Rusi ka lindur gjithashtu ideja për të krijuar një “skuadër speciale asteroidesh” me qëllimin për të gjetur dhe identifikuar asteroide të vogla të cilët mund të përdoren në rastet kur paraqitet një rrezik më i madh duke i dërguar kundër tyre për ti devijuar larg Tokës.

Kjo metodë nuk kërkon ndonjë teknikë revolucionare apo ndonjë zbulim të vecantë. Mund të krijohet me mjetet dhe burimet ekzistuese.

Daniela Vathi

Dërgo me email | Stampo artikullin